Danny Rose, leikmaður Newcastle, er langt því frá að vera sáttur með plön ensku úrvalsdeildarinnar um að fara aftur af stað með tímabilið.
Endurkomuáætlun deildarinnar, 'Project Restart', var til umræðu á fundi félaganna í dag en Rose segir það vera algjört grín að þessi áætlun sé í gangi.
Endurkomuáætlun deildarinnar, 'Project Restart', var til umræðu á fundi félaganna í dag en Rose segir það vera algjört grín að þessi áætlun sé í gangi.
Rose segir að knattspyrna ætti að vera neðst í forgangsröð ríkisstjórnarinnar um að koma samfélaginu aftur af stað hægt og rólega.
„Þetta er algjört grín, ég ætla ekki að ljúga," sagði Rose á Instagram.
„Ríkisstjórnin segir að fótboltinn eigi að byrja aftur til þess að bæta anda þjóðarinnar, mér er alveg sama um anda þjóðarinnar. Líf fólks er í hættu. Það ætti ekki einu sinni að ræða möguleikann að byrja með fótboltann aftur þangað til tala sýktra er komin langt niður."
Í dag var ræddur möguleikinn að stytta tímabilið í ensku úrvalsdeildinni en það er enn mikil óvissa varðandi framhaldið.
Athugasemdir
