Það blés hressilega í Gelendzhik í nótt, á svæðinu þar sem Ísland er að búa sig undir HM.
Vindhviða gerði það að verkum að girðing á æfingavellinum hrundi en girðingin var notuð til að hindra sýn inn á völlinn þegar taktík fyrir Argentínuleikinn er æfð.
Vindhviða gerði það að verkum að girðing á æfingavellinum hrundi en girðingin var notuð til að hindra sýn inn á völlinn þegar taktík fyrir Argentínuleikinn er æfð.
Fjölmiðlamönnum var því vísað af svæðinu meðan íslenska liðið æfði í morgun, þeir gátu ekki notað aðstöðu sína sem er í tjaldi við völlinn.
Það setti þó ekki mikið strik í reikninginn þar sem hótel íslenskra fjölmiðlamanna er aðeins í um tveggja mínútna göngufjarlægð frá æfingasvæðinu.
„Þetta var eins og íslenskt haustveður," sagði íþróttafréttamaðurinn Arnar Björnsson sem vaknaði við lætin í rokinu í nótt.
Þó það gusti aðeins í Rússlandi í dag þá skín sólin skært og hitastigið er í kringum 26 gráður.
Athugasemdir