Um liðna helgi lést knattspyrnustjóri enska félagsins Leyton Orient, aðeins 49 ára gamall. Justin Edinburgh hét hann en hann fékk hjartaáfall og lést svo á sjúkrahúsi.

Undir stjórn Edinburgh hafði Leyton Orient nýverið tryggt sér upp í ensku D-deildina.

Sem leikmaður lék Edinburgh fyrir Tottenham í tíu ár. Hann vann FA bikarinn og deildabikarinn með Tottenham og lék einnig fyrir Portsmouth í kringum aldamótin.

Mikil reiði er á samfélagsmiðlum eftir að Leyton Orient tilkynnti að færa þyrfti minningarreit sem var settur upp fyrir utan leikvanginn.

Þjófar höfðu látið greipar sópa á reitnum en þar höfðu margir stuðningsmenn skilið eftir blóm og minjagripi til minningar um Edinburg.

Reiðin á samfélagsmiðlum beinist að þessum óprúttnu aðilum en minningarreiturinn er nú kominn inn á leikvanginn og þangað eru stuðningsmenn að sjálfsögðu velkomnir en reiturinn er undir eftirliti.

Embed from Getty Images

Tweet

Senda a Facebook Hafdu samband Senda frétt Prenta frétt Frétta leit