Ange Postecoglou þjálfari Tottenham var svekktur eftir óvænt tap gegn nýliðum Ipswich Town í ensku úrvalsdeildinni um helgina.
Hann er ósáttur með það mikla ósamræmi sem hann tekur eftir í frammistöðu leikmanna sinna á milli leikja. Tottenham sigraði 4-1 gegn sterku liði Aston Villa einni viku áður en liðið tapaði 1-2 á móti Ipswich og voru báðir leikirnir á heimavelli.
Tottenham er aðeins í tíunda sæti eftir ellefu umferðir í ensku úrvalsdeildinni, en liðið er þó komið með 16 stig og er aðeins þremur stigum á eftir Arsenal, Chelsea, Nottingham Forest og Brighton í afar þéttum pakka í baráttunni um sæti í Meistaradeild Evrópu fyrir næstu leiktíð.
„Ég verð að taka sökina á sjálfan mig, ég er ekki að ná því besta úr leikmönnum í hverri viku. Eina vikuna eru þeir frábærir og svo virðast þeir vera allt aðrir leikmenn næstu vikuna. Ég þarf að laga þetta," sagði Postecoglou eftir tapið gegn Ipswich í gær.
„Þetta ósamræmi í frammistöðu leikmanna er á minni ábyrgð. Við þurfum að laga þetta ef við viljum ná einhverjum árangri."
Tottenham lenti 0-2 undir í fyrri hálfleik gegn Ipswich og var það í þrettánda sinn sem Tottenham lendir undir í fimmtán heimaleikjum í úrvalsdeildinni á þessu dagatalsári.
„Það eru mismunandi ástæður fyrir því að við erum að lenda undir á heimavelli. Í dag var það aðeins frábrugðið öðrum skiptum, við vorum alltof passívir."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
