Fréttamaðurinn virti Fabrizio Romano greinir frá þessu og heldur því fram að De Zerbi muni skrifa undir samning við Shakhtar á næstu vikum.

De Zerbi gerði flotta hluti við stjórnvölinn hjá Sassuolo á tímabilinu og mun taka við af Luis Castro sem mistókst að vinna úkraínsku deildina í ár. Shakhtar endaði ellefu stigum eftir Dynamo Kiev.

Það verður eitthvað um þjálfaraskipti á Ítalíu þar sem Fiorentina er einnig að leita sér að nýjum þjálfara. Gennaro Gattuso er efstur á blaði en hann mun fara frá Napoli í júní.