Andres Iniesta spilar með Vissel Kobe í japanska boltanum um þessar mundir.
Liðsfélagi hans, Shunki Takahashi, hefur verið settur í mánaðarlangt bann fyrir að leka upplýsingum um Iniesta til vinar sins.
Takahashi sendi vini sínum smáskilaboð til að segja honum að Iniesta yrði ekki með í leiknum gegn Urawa Reds í september.
Vinur hans fór með upplýsingarnar beint á Twitter og vakti þannig athygli fréttamanna, sem voru ekki lengi að gera sér mat úr þessu.
Að leka innherja upplýsingum er brot á reglum félagsins og þess vegna fær Takahashi ekki að spila keppnisleik næsta mánuðinn. Hann missir því af mikilvægum leikjum á lokaspretti tímabilsins, sem lýkur í nóvember.
Athugasemdir