Ivan Cavaleiro kom Úlfunum yfir í fyrri hálfleik og náðu heimamenn ekki að jafna fyrr en undir lokin.

„Við erum stoltir að hafa komið á Emirates og spilað svona vel. Meira að segja eftir að Arsenal náði að jafna leikinn þá fengum við bestu færin," sagði Espirito Santo.

Unai Emery, stjóri Arsenal, og Bernd Leno, markvörður liðsins, sögðu í viðtali eftir leikinn að þeir hefðu viljað fá meiri uppbótartíma til að geta potað inn sigurmarki.

„Ég veit að Arsenal vildi meiri uppbótartíma. Það hefði kannski komið sér betur fyrir okkur því við vorum hættulegir í leiknum."