Tottenham getur komist yfir Manchester City og í annað sæti með sigri á meðan Rauðu djöflarnir geta unnið sinn fimmta deildarleik í röð undir stjórn Ole Gunnar Solskjær og jafnað Arsenal í fimmta sæti.

Það er gaman að sjá Englendinga leiða sóknarlínur beggja liða þar sem Harry Kane og Dele Alli byrja báðir í liði heimamanna á meðan Jesse Lingard og Marcus Rashford eru inná í liði gestanna.

Anthony Martial er einnig partur af sterkri sóknarlínu Man Utd en vörnin lítur ekki jafn vel út þar sem Phil Jones er við hlið Victor Lindelöf í hjarta varnarinnar.

Enskir fjölmiðlar tala mikið um að hér séu tveir líklegustu arftakar Jose Mourinho að takast á í hörkuleik, en Mauricio Pochettino hefur verið orðaður við stjórastöðuna hjá Man Utd í einhvern tíma.

Tottenham: Lloris, Trippier, Alderweireld, Vertonghen, Davies, Sissoko, Winks, Eriksen, Alli, Son, Kane.
Varamenn: Gazzaniga, Rose, Sanchez, Foyth, Skipp, Lamela, Llorente.

Man Utd: De Gea, Young, Jones, Lindelof, Shaw, Matic, Herrera, Lingard, Pogba, Martial, Rashford.
Varamenn: Romero, Dalot, Pereira, Fred, Mata, McTominay, Lukaku.