Rossi var fenginn til Man Utd þegar hann var sautján ára gamall en var á endanum seldur til Villarreal fyrir 10 milljónir evra.

Rossi gerði mjög vel á fyrstu árunum hjá Villarreal en alvarleg meiðsli á krossbandi á hné lituðu síðustu árin á Spáni og var hann seldur til Fiorentina í janúar 2013.

Rossi fór vel af stað með Fiorentina enda svakalegur markaskorari en meiðsli settu strik í reikninginn og gerði Rossi 16 mörk í 33 deildarleikjum á fjórum árum hjá félaginu.

Í dag er Rossi 31 árs gamall, samningslaus og að koma til baka eftir enn ein meiðslin. Hann er í stöðugu sambandi við Solskjær sem bauð honum að koma að æfa með Man Utd og var Rossi ekki lengi að samþykkja það.