Manchester United lagði á laugardag Norwich 4-0 á heimavelli í ensku úrvalsdeildinni. Mikilvægur sigur hjá Unitd eftir þrjá leiki án sigurs.

Ole Gunnar Solksjær, stjóri Manchester United, var spurður út í eigendur félagsins, Glazer-fjölskylduna, eftir leikinn. Háværir stuðningsmenn United kölluðu í stúkunni á laugardag eftir því að Glazer fjölskyldan myndi selja félagið og sungu einnig um hinn umdeilda Ed Woodward, stjórnarmann hjá félaginu.

„Sem félag verðum við að styðja við bakið á öllum sem koma nálægt félaginu eins og fjölskylda," sagði Solskjær.

„Á tíma mínum sem stjóri hjá félaginu hef ég fengið stuðning frá eigendunum og ég hef fengið stuðning frá Woodward. Við verðum að halda hópinn og styðja hvert annað."

„Stuðningsmenn verða að trúa því að mín tilfinnng er að við séum að vinna að fullt af góðum hlutum bakvið tjöldin. Við erum í leið í rétta átt," sagði Solskjær að lokum.

Tweet

Senda a Facebook Hafdu samband Senda frétt Prenta frétt Frétta leit