Bayern Munchen hirti af þeim toppsætið um síðustu helgi þegar þeir rasskelltu Dortmund 5-0 en búast má við mikilli baráttu milli liðanna tveggja allt til endaloka. Bayern getur endurheimt toppsætið á morgun er þeir mæta Fortuna Dusseldorf.

Dortmund var ákveðið í að svara fyrir hörmungar síðustu helgar í dag og það var ekki liðinn hálftími af leiknum þegar Jadon Sancho var búinn að skora tvisvar.

Það hrikti reyndar alveg í stoðunum því Karim Onisiwo leikmaður Mainz átti tvisvar skot í stangirnar áður en Robin Quaison minnkaði muninn þegar sjö mínútur voru eftir af leiknum.

Það dugði þó ekki til því Dortmund vann 2-1 með mörkum Sancho sem er 19 ára og 19 daga gamall í dag og sá yngsti í sögu Bundesligunnar til að skora 11 mörk. Mikið efni þar.