„Það er alltaf erfitt að mæta Leicester. Það er lið og félag sem vill komast í topp fjóra, ég er viss um það. Þeir eru með gott lið og mjög góðan stjóra (Brendan Rodgers) sem hefur sannað sig," sagði Solskjær.

„Lið Brendan spila alltaf góðan fótbolta og við þurfum að spila vel til að verðskulda þrjú stig."

„Við viljum ná í þau úrslit sem við teljum að við eigum skilið. Við erum á leið í mikið af leikjum núna og viljum ekki lenda á eftir Tottenham, Chelsea eða Arsenal."

Mikil meiðsli eru hjá Manchester United en Luke Shaw, Anthony Martial og Paul Pogba verða ekki með á morgun auk þess sem Aaron Wan-Bissaka og Jesse Lingard eru tæpir.