Stefán Teitur Þórðarson var svekktur eftir 3-2 tap gegn HK í Kórnum fyrr í kvöld. Stefán skoraði gott mark til að jafna leikinn en lengra komust Skagamenn ekki.
Lestu um leikinn: HK 3 - 2 ÍA
„Ég er vægast sagt mjög fúll, við byrjuðum leikinn ekki vel en komum vel til baka, við verðum bara að sýna betri varnarleik en við höfum verið að gera í sumar og við töpum leikjum ef við höldum áfram að verjast svona.''
Skagamenn koma til baka úr 2-0 stöðu, er karakterinn svona sterkur í liðinu?
„Já algjörlega, við gerðum þetta líka fyrir norðan og við kunnum alveg að skora mörk, við erum ekkert að fara að hætta því þó við séum undir en eins og ég sagði þá var þetta bara ekki nógu gott í dag.''
„Við fórum alltof snemma í það að negla boltanum fram og spila einhvern þannig leik en ég veit ekki hvað það var sem olli þessu.''
Viðtalið í heild sinni má sjá í spilaranum hér að ofan en þar ræðir Stefán betur um leikinn, KR og montréttinn á heimilinu eftir að hafa tapað fyrir bróður sínum.
Athugasemdir
