Florentino Perez, forseti Real Madrid, segir að félagið þurfi ekki að eyða pening í leikmenn og að Real sé með bestu leikmenn í heimi.
Perez var á dögunum spurður út í félagsskiptamál liðsins í sumar.
„Ég er á því að við séum með besta leikmannahóp í heimi og titlarnir sem að við höfum unnið undanfarin ár sanna það. Við eyðum ekki í leikmenn bara til þess að eyða."
„Maður les ýmislegt í fjölmiðlum, eins og til dæmis það að við þurfum nýjan framherja. Karim Benzema er búinn að sýna það að hann er besti framherji í heimi."
Real hafði betur gegn Ajax í fyrri leik liðanna í 16-liða úrslitum Meistaradeildarinnar í gærkvöldi en það var einmitt Karim Benzema sem að kom Real yfir í leiknum.
Athugasemdir