Spænski miðjumaðurinn Rodri fékk vel verðskuldaða hvíld er Manchester City vann Luton Town, 5-1, í ensku úrvalsdeildinni í gær en Pep Guardiola, stjóri Man City, grínaðist með það að hann gæti verið hvíldur í einum mikilvægasta leik tímabilsins.
Fram á við er Kevin de Bruyne mikilvægasti leikmaður Man City en þegar talað er um mikilvægi leikmanns í heildina er Rodri aðalmaðurinn.
Það er meira en ár síðan Man City tapaði síðast leik með Rodri innanborðs.
Hann er potturinn og pannan í liðinu en Guardiola var spurður að því hvort hvíldin gegn Luton hafi reynst Rodri góð eða ekki.
Man City mætir Real Madrid í seinni leik liðanna í 8-liða úrslitum Meistaradeildarinnar á miðvikudag og grínaðist Guardiola með það að hann gæti einnig verið hvíldur í þeim leik.
„Klárt mál. Hann verður líka hvíldur á miðvikudag. Trúir þú mér?“ sagði og spurði Guardiola í gríntón.
Athugasemdir