QPR heimsótti Sunderland í annarri umferð nýs tímabils í Championship deildinni og var tveimur mörkum undir í hálfleik.
Sunderland var með forystuna allt þar til Ilias Chair minnkaði muninn á 87. mínútu.
Þá blésu gestirnir úr drottningargarðinum til sóknar og fengu hornspyrnu í uppbótartíma.
Markvörðurinn Seny Dieng fór að sjálfsögðu fram til að reyna að skora og var hann í baráttunni þegar boltinn barst inn í vítateiginn frá hornfánanum.
Dieng barðist við kollega sinn í hinu liðinu sem náði að bægja hættunni frá en þó aðeins tímabundið. Boltinn barst út á kant og gaf Chair flotta fyrirgjöf. Enginn annar en Dieng sjálfur var mættur til að koma þessum bolta í netið með frábærum skalla sem bestu framherjar deildarinnar gætu verið stoltir af.
Dieng bjargaði stigi fyrir QPR sem er með fjögur stig eftir þrjár umferðir. Sunderland er með fimm stig.
Dieng er 27 ára gamall og vann Afríkumótið með Senegal í vetur. Þar er hann varamarkvörður fyrir Edouard Mendy.
England
Championship - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Coventry | 10 | 6 | 4 | 0 | 29 | 7 | +22 | 22 |
| 2 | Middlesbrough | 10 | 6 | 3 | 1 | 14 | 7 | +7 | 21 |
| 3 | Stoke City | 10 | 5 | 3 | 2 | 12 | 6 | +6 | 18 |
| 4 | Leicester | 10 | 4 | 5 | 1 | 14 | 9 | +5 | 17 |
| 5 | West Brom | 10 | 5 | 2 | 3 | 11 | 11 | 0 | 17 |
| 6 | Millwall | 10 | 5 | 2 | 3 | 11 | 13 | -2 | 17 |
| 7 | Bristol City | 10 | 4 | 4 | 2 | 16 | 10 | +6 | 16 |
| 8 | Preston NE | 10 | 4 | 4 | 2 | 12 | 9 | +3 | 16 |
| 9 | Charlton Athletic | 10 | 4 | 3 | 3 | 10 | 9 | +1 | 15 |
| 10 | Hull City | 10 | 4 | 3 | 3 | 17 | 18 | -1 | 15 |
| 11 | QPR | 10 | 4 | 3 | 3 | 14 | 16 | -2 | 15 |
| 12 | Ipswich Town | 9 | 3 | 4 | 2 | 16 | 10 | +6 | 13 |
| 13 | Swansea | 10 | 3 | 4 | 3 | 10 | 10 | 0 | 13 |
| 14 | Portsmouth | 10 | 3 | 4 | 3 | 9 | 10 | -1 | 13 |
| 15 | Watford | 10 | 3 | 3 | 4 | 11 | 12 | -1 | 12 |
| 16 | Southampton | 10 | 2 | 6 | 2 | 11 | 12 | -1 | 12 |
| 17 | Birmingham | 10 | 3 | 3 | 4 | 10 | 14 | -4 | 12 |
| 18 | Wrexham | 10 | 2 | 4 | 4 | 14 | 16 | -2 | 10 |
| 19 | Oxford United | 10 | 2 | 3 | 5 | 11 | 13 | -2 | 9 |
| 20 | Norwich | 10 | 2 | 2 | 6 | 11 | 15 | -4 | 8 |
| 21 | Derby County | 10 | 1 | 5 | 4 | 11 | 16 | -5 | 8 |
| 22 | Blackburn | 9 | 2 | 1 | 6 | 7 | 13 | -6 | 7 |
| 23 | Sheffield Utd | 10 | 2 | 0 | 8 | 4 | 16 | -12 | 6 |
| 24 | Sheff Wed | 10 | 1 | 3 | 6 | 9 | 22 | -13 | 6 |
