Liverpool varð síðast enskur meistari árið 1990 en eftir góða byrjun á tímabilinu vill Henderson að liðið reyni að vinna titilinn á þessu tímabili.

„Fótboltinn sem við höfum spilað síðastliðið árið er einn sá besti sem ég hef upplifað ef ekki sá besti," sagði Henderson.

„Við höfum verið með stórkostlega leikmenn eins og Stevie [Gerrard], [Luis] Suarez og [Philippe] Coutinho en núna eru allir upp á sitt besta í liðinu og það er stjóranum að þakka."

„Síðan hann kom höfum við verið á leið í rétta átt og núna er þetta spurning um að taka lokaskrefið og vinna titil. Það yrði stórt fyrir okkur."