Hannes handsamar boltann í leiknum í kvöld
„Ég er ekkert svakalega ánægður með frammistöðuna í kvöld en við gerðum svona það sem við þurftum að gera. Við vorum ekki góðir í fyrri hálfleik sérstaklega, vorum ekki klárir í þennan leðjuslag sem þeir voru klárir í. Við erum auðvitað betri en þeir og skoruðum og höfðum öll völd í seinni hálfleik."
Sagði Hannes Þór Halldórsson markvörður Íslenska landsliðsins eftir 2-0 sigur á Andorra á Laugardalsvelli í kvöld.
Sagði Hannes Þór Halldórsson markvörður Íslenska landsliðsins eftir 2-0 sigur á Andorra á Laugardalsvelli í kvöld.
Lestu um leikinn: Ísland 2 - 0 Andorra
Hannes segir að það hafi eyðilagt algjörlega fyrir þeim að heyra af jafntefli Frakklands og Tyrklands en hann heldur í trúnna að Tyrkirnir gætu tapað stigum í Andorra.
„Það eyðilagði alveg daginn, manni líður bara eins og maður hafi tapað hérna í dag. Það er ekkert við því að gera og maður verður bara að takast á við næsta verkefni. Ég sagði strax eftir að við spiluðum út í Andorra að Tyrkirnir myndu tapa stigum þar. Það er mjög langsótt en það er drullu erfitt að spila þarna"
Hannes stefnir á að fara út til Danmerkur að æfa í tvær vikur til að halda sér í formi enda tímabilið hér á Íslandi búið.
„Planið var að fara út til Danmerkur í tvær vikur og halda mér í formi þar. Nú verð ég bara að setjast niður með þjálfaranum og fara út í framhaldið."
Athugasemdir
