Fótbolti.net

Einar Guðna þurfti ekki að hugsa málið - „Algjört draumastarf"

Halli: Er ekkert í þessu til að hefna fyrir eitt né neitt

Halli Hróðmars: Orðið ansi þungt leik eftir leik

Úlfur Ágúst: Ég reyndi og sem betur fer fór hann inn

Jökull: Við vorum líklegri og sköpuðum betri færi

Heimir Guðjóns: Vítið sem Stjarnan fékk var rangur dómur

„Ekki búin að því og ég veit ekki hvort maður muni gera það"

Svaf ekki mikið - „Þurfum að nota þetta sem spark í rassinn"

Sár, svekkt og leið - „Ég er ekki sú ferskasta núna"

„Þetta er ekki upplifun sem ég hef fengið áður"

Steini: Ég er með samning áfram

Guðrún: Mikið af knúsum og ekki mikið af orðum

Cecilía: Leiðinlegt að hafa ekki gert meira fyrir þau

Karólína Lea: Það er langt síðan ég hef grenjað svona

Magnað viðtal við Glódísi - „Mun aldrei fyrirgefa mér það"

Ingibjörg meyr: Við ætlum að fokking vinna Noreg

Dagný: Ég hefði viljað ná að brjóta

Haddi: Ég skil ekki af hverju allir efast um Viðar

Ívar Örn: Það fer okkur mjög vel að spila hér í Laugardalnum

Grímsi: Vonandi er stíflan brostin sem ég er búinn að vera að glíma við

fim 14. október 2021 13:33

Sæbjörn Þór Þórbergsson Steinke

Jói Kalli talar Víkinga upp en kemur einnig inn á veikleika þeirra

Jóhannes Karl

Mynd: Fótbolti.net - Hafliði Breiðfjörð

Jói Kalli sáttur eftir sigur gegn Keflavík

Mynd: Fótbolti.net - Hafliði Breiðfjörð

Jóhannes Karl Guðjónsson, þjálfari ÍA, ræddi við Fótbolta.net í dag. ÍA leikur til bikarúrslita á laugardag gegn Víkingi.

„Lokaspretturinn í deildinni var flottur og góður leikurinn gegn Keflavík í undanúrslitunum. Við erum bara brattir, vorum ekkert að hugsa um að komast bara í úrslitaleikinn, við erum komnir í hann til að vinna bikarinn," sagði Jói Kalli.

„Það er risastórt og það sem er mikilvægt fjárhagslega er Evrópukeppnin og spennandi verkefni ef menn komast í það. Númer eitt, tvö og þrjú er að það er titill í boði og það er risastórt. Við erum komnir í úrslitaleikinn til að tryggja knattspyrnufélagi ÍA titilinn og við munum gera allt sem við getum til þess að ná því."

Jói Kalli ræddi undirbúninginn fyrir leikinn og segir að þjálfarateymið hafi haft léttari æfingar í fyrri vikunni eftir undanúrslitin en hefðbundnari æfingar í þessari viku.

„Víkingar eru besta liðið á landinu og frábærlega mannaðir, með markahæsta manninn í Nikolaj Hansen og frábæra leiðtoga í Kára, Sölva og Halldóri Smára líka. Þetta er gríðarlega öflugt lið, líkamlega sterkir en samt með hraða. Þeir eru verðskuldað Íslandsmeistarar og Arnar er frábær þjálfari. Það breytir því ekki að við vitum um veikleika í Víkingsliðinu og þessir tveir leikir í deildinni voru að mínu mati mjög skemmtilegir."

„Þeir hafa átt í erfiðleikum með að brjóta okkur niður og skora mörk á okkur. Að sama skapi teljum við okkur geta nýtt okkur möguleika til þess að skora mörk á þá. Við munum keyra svolítið á veikleikana hjá þeim. Það er kannski erfiðara fyrir Kára og Sölva núna að æfa í tvær vikur og halda sér í toppstandi án þess að lenda í einhverjum meiðslum."

„Við erum alveg brattir að við getum unnið leikinn á okkar hátt þó svo að við búumst við að Víkingarnir verði meira með boltann. Það er ekki bara sú leið sem vinnur fyrir þig fótboltaleiki. Við ætlum að fara í þennan leik til að vinna hann," sagði Jói Kalli.

Hann var spurður út í gagnrýnina á sig fyrir að hafa farið til Tenerife í síðustu viku. Svör hans við þeirri og fleiri spurningum má sjá í spilaranum hér að ofan.