Fótbolti.net

Jóhann Birnir: Þurfum að vera með fókus á það sem við erum að gera

Árni Freyr: Vorum litlir í okkur og náðum ekki að höndla svona barning

Bergvin stóð við stóru orðin - „Gaman að hafa smá banter í þessari deild"

Gunnar Már: Það var eins og við vorum manni færri

Gústi Gylfa: Rautt spjald snýst ekkert um agavandamál

Farið á þrjú stórmót og þetta er besta umhverfið

„Hvað gerðist ekki í þeim leik?"

Ræða forsetans gladdi - „Við sögðum allt sem lá á hjartanu"

Sveindís: Veit ekki hvort þeir hafi séð þetta fyrir sér fyrir nokkrum árum

Bjarni Jó: Sagði að nú vilja Gummi Tóta, Sævar Gísla og allir koma

Haraldur Freyr: Réðum öllu á vellinum

Hrannar Snær: Mjög sáttur með mína frammistöðu það sem af er

Dóri Árna: Slakasti hálfleikurinn í sumar

Maggi Már: Bara einn staður sem þeir eiga að vera á og það er hérna í 270

Siggi Höskulds: Þetta á að skila sigri alveg sama á hvaða velli

Venni: Þetta er algjört lúxusvandamál sem ég glími við

Tómas Bjarki: Þetta er alveg kúnst

Halli Hróðmars: Leikplanið fór út um gluggann snemma í dag

Gunnar Heiðar: Þegar lestin er farin af stað er helvíti erfitt að stoppa hana

Jakob Gunnar: Einhver skrítnasta skottækni sem ég hef séð

fim 14. nóvember 2024 10:30

Elvar Geir Magnússon
Spáni

Guðlaugur Victor: Hefur verið smá erfitt fyrir mig persónulega

Guðlaugur Victor Pálsson á æfingu á Spáni.

Mynd: Fótbolti.net - Hafliði Breiðfjörð

Guðlaugur Victor Pálsson hefur byrjað fjóra af fimmtán leikjum Plymouth í Championship-deildinni. Hann hefur komið inn af bekknum í blálokin í síðustu tveimur leikjum liðsins en Plymouth situr í átjánda sæti.

Guðlaugur Victor spjallaði við Fótbolta.net á hóteli íslenska landsliðsins á Spáni þar sem liðið hefur verið undanfarna daga við æfingar.

Honum líkar lífið vel í Plymouth og ensku Championship-deildinni þó hann sé ekki sáttur við spiltímann. Hann er í þeirri stöðu að vera að vinna í því á æfingasvæðinu að vinna sig framar í goggunarröðina.

„Ég er að fíla mig mjög vel, þetta hefur verið erfið byrjun og búið að vera bras hjá mér persónulega. Líka aðeins hjá liðinu. Fyrir mig persónulega hefur þetta verið smá erfitt. Ég hef ekki spilað eins mikið og ég vildi. Ég meiddist í fyrsta leik tímabilsins og missti sæti mitt," segir Guðlaugur Victor sem bíður eftir því að fá tækifærið.

„Í Championship-deildinni er svo mikið af leikjum og þegar ég meiddist þá missti ég af mörgum leikjum. Þjálfarinn var búinn að finna sitt lið. Maður er bara með það hugarfar að mæta á hverjum degi og gera það sem maður getur gert og stjórnað því sem maður getur stjórnað."

„Deildin er rosalega góð og þetta er klárlega mestu gæði sem ég hef spilað í. Þetta er mjög skemmtilegt en auðvitað er maður í þessu til að spila og ég vil spila meiri fótbolta."