„Fyrir mót hefði ég örugglega tekið við þessum stigafjölda. Ég er samt svekktur yfir því að við séum ekki með 20 stig eða meira því við höfum glatað mörgum stigum," segir Warnock.

„Við erum enn líklegastir til að falla og það skiljanlega ef hópurinn okkar er borinn saman við aðra."

Warnock vonast til að styrkja leikmannahóp sinn í janúar. Hann vill meðal annars fá miðjumann svo liðið gæti brugðist við ef Aron Einar Gunnarsson yrði frá vegna meiðsla.

Boltinn fór að rúlla af alvöru hjá Cardiff þegar Aron byrjaði að spila en á laugardag er komið að leik gegn Watford.