Ótrúlegt einstaklingsframtak hjá Theo innsiglaði sigurinn

Theo vann boltann af Jeremie Boga nálægt sínum eigin vítateig og tók á rás upp völlinn. Það mætti honum enginn nema Teun Koopmeiners þannig Theo ákvað að stinga hann bara af.

Theo spretti upp miðjan völlinn sem var galopinn og fór framhjá nokkrum varnarmönnum áður en hann lét vaða með góðu skoti sem endaði í netinu. Líklegast verður þetta mark tímabilsins á Ítalíu.

Milan stefnir á Ítalíumeistaratitilinn en á erfiðan útileik gegn Sassuolo í lokaumferðinni. Inter er fimm stigum á eftir en með leik til góða gegn fallbaráttuliði Cagliari í kvöld.

Sjáðu markið ótrúlega