Wayne Rooney lék sinn fyrsta leik með DC United í MLS deildinni í nótt þegar lið hans sigraði Vancouver Whitecaps, 3-1 en Rooney átti stórann þátt í tveimur mörkum DC United.
„Liðsfélagar mínir hér líta kannski á mig sem einhvern leikmann sem hefur spilað með Manchester United, Everton og Englandi og þeir hafa ekki komist á þann stað enn sem komið er, en ég er eins og þeir leikmaður DC sem vil vinna alla leiki," sagði Rooney.
„Þetta var frábær sigur, mér fannst við spila mjög vel. Þetta var stórt kvöld fyrir félagið að spila í fyrsta sinn á nýja vellinum og því var það mjög mikilvægt að ná í þennan sigur."
Athugasemdir