Afturelding og Vestri mættust í 11.umferð Lengjudeildar karla á Fagverksvellinum að Varmá í dag og endaði leikurinn með bragðdaufu jafntefli en ekkert mark var skorað.

Magnús Már Einarsson, þjálfari Aftureldingar, var svekkktur að leikslokum

Lestu um leikinn: Afturelding 0 -  0 Vestri

„Svekktur, hefðum vilja vinna þennan leik. Fengum færi þarna í lokinn til að klára þetta, fleiri en eitt. Við settum góða pressu á þá undir lokin, en þetta hafðist ekki í dag. Þetta var kannski ekkert skemmtilegasti leikur að horfa á, lítið af færum framan að en svona í lokin náum við að setja á þá, og það hefði verið sætt að ná markinu í lokin, en því miður gékk það ekki í dag."

Hafði Covid pásan einhver áhrif á leikinn í dag?

„Maður vill segja nei, en ég held að hún hafi gert það að einhverju leiti, misstum aðeins taktinn, 3 vikur síðan við spiluðum síðast og það vantaði kannski aðeins kraftinn en það kom þegar leið á leikinn, mér fannst við vinna okkur inn í leikinn meira og meira þannig ég held að það hafi bara verið smá rið í byrjun en svo kom þetta allt saman og það er ekkert hægt að afsaka sig með því. Við þurfum bara halda áfram, næsti leikur og það er ÍBV í Vestmannaeyjum á Miðvikudaginn."

Viðtalið í heild sinni má sjá í sjónvarpinu hér að ofan þar sem Magnús er spurður út í stöðuna á Hafliða og Jason Daða, en þeir byrjuðu báðir á bekknum í dag.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit