Spartak Subotica 1 - 1 Breiðablik (Samtals: 1-5)
1-0 Soyi Kim ('54 )
1-1 Heiða Ragney Viðarsdóttir ('79 )
Lestu um leikinn
1-0 Soyi Kim ('54 )
1-1 Heiða Ragney Viðarsdóttir ('79 )
Lestu um leikinn
Íslandsmeistarar Breiðabliks verða í pottinum þegar dregið verður í 16-liða úrslit Evrópubikars kvenna á föstudaginn.
Blikakonur unnu fyrri leikinn gegn Spartak Subotica 4-0 í síðustu viku og fóru því vel nestaðar til Serbíu. Staðan var markalaus í hálfleik en á 54. mínútu skoruðu heimakonur.
„Það koma bara skot og mark úr gjörsamlega engu... Soyi Kim fær boltann, leggur hann fyrir sig og tekur skot utan af velli og neglir því bara í markið, Devine bara átti ekki séns," skrifaði Snæbjört Pálsdóttir í textalýsingu frá leiknum.
Á 79. mínútu tók Agla María Albertsdóttir hornspyrnu og Heiða Ragney Viðarsdóttir skoraði af stuttu færi. Leikurinn endaði 1-1 og Breiðablik vann einvígið 5-1.
Athugasemdir
