„Alltaf leiðinlegt að tapa. Fyrst og fremst vil ég byrja á að óska Þór/KA til hamingju með sigurinn, þær voru bara betri en við í dag og eiga skilið þennan sigur," Sagði Óskar Smári Haraldsson, þjálfari Fram, eftir tap gegn Þór/KA í Bestu deild kvenna í dag.
Lestu um leikinn: Fram 1 - 3 Þór/KA
Óskar Smári var ekki ánægður með sóknarleik liðsins í dag.
„Mér fannst við alltof sjaldan komast í þær stöður sem við vildum. Þegar við komumst í stöðurnar var það annað hvort loka ákvörðunin eða síðasta snertingin var of þung. Gæðaleysi fram á við þegar lengra leið á leikinn," sagði Óskar Smári.
Fram fær Tindastól í heimsókn í næstu umferð en liðin eru bæði með sex stig í 7. og 8. sæti deildarinnar.
„Við vitum að við erum að fara mæta alvöru sem djöflast fyrir hvor aðra, það fór aðeins úrskeðis í dag. Það verður hörku helvítis leikur eins og allir aðrir leikir í þessari deild," sagði Óskar Smári.
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 6 | 5 | 1 | 0 | 28 - 5 | +23 | 16 |
| 2. Þróttur R. | 6 | 5 | 1 | 0 | 14 - 5 | +9 | 16 |
| 3. FH | 6 | 4 | 1 | 1 | 11 - 6 | +5 | 13 |
| 4. Þór/KA | 6 | 4 | 0 | 2 | 14 - 11 | +3 | 12 |
| 5. Stjarnan | 6 | 3 | 0 | 3 | 8 - 15 | -7 | 9 |
| 6. Valur | 6 | 2 | 1 | 3 | 6 - 8 | -2 | 7 |
| 7. Tindastóll | 6 | 2 | 0 | 4 | 8 - 11 | -3 | 6 |
| 8. Fram | 6 | 2 | 0 | 4 | 7 - 16 | -9 | 6 |
| 9. Víkingur R. | 6 | 1 | 0 | 5 | 9 - 17 | -8 | 3 |
| 10. FHL | 6 | 0 | 0 | 6 | 3 - 14 | -11 | 0 |
Athugasemdir
