27 milljóna króna tap varð á rekstri meistaraflokks karla hjá Fjölni í fyrra. Þetta kemur fram í skýrslu á vef Reykjavíkurborgar en rætt var um málið í Dr. Football hjá Hjörvari Hafliðasyni í dag.
Tekjur af rekstri meistaraflokks Fjölnis í fyrra voru 60 milljónir en kostnaðurinn hljóðaði upp á 87 milljónir.
„2018 erum við að berjast við að loka árinu. Ef það koma engar leikmannasölur eða nýir tekjustraumar fyrir árið 2019 er ljóst að það þarf að skera verulega niður í meistaraflokki karla. Ef Fjölnir ætlar að halda sér í efstu deild er óraunhæft í núverandi umhverfi að reka meistaraflokk karla undir 75-80 milljónum króna á ári," segir í skýrslunni hjá Reykjavíkurborg.
Fjölnismenn eru þremur stigum frá öruggu sæti í Pepsi-deildinni þegar tvær umferðir eru eftir.
Liðið hélt hins vegar lífi í vonum sínum með öflugum 1-0 útisigri á Grindavík í gær.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir