England í dag - Tottenham, Arsenal og Chelsea í beinni

Mynd: Getty Images

Enski boltinn byrjar að rúlla á ný þegar Watford tekur á móti Tottenham í hádegisleiknum í dag, sem verður sýndur beint á sportstöð Símans.

Watford hefur heldur betur tekið við sér eftir að Nigel Pearson var ráðinn við stjórnvölinn. Liðið vermdi botnsæti deildarinnar þar til Pearson tók við og eru lærisveinar hans búnir að klífa úr fallsvæðinu, eftir að hafa náð í þrettán stig úr síðustu fimm leikjum.

Tottenham þarf sigur þar sem gengi liðsins hefur ekki verið nógu gott að undanförnu. Liðið er aðeins búið að ná í fjögur stig af síðustu fimmtán mögulegum undir stjórn Jose Mourinho.

Arsenal á svo leik við Sheffield United í beinni útsendingu. Arsenal er óvænt um miðja deild, fjórum stigum eftir nýliðum Sheffield sem eru óvænt í Evrópubaráttu.

Englandsmeistarar Manchester City eiga svo heimaleik við Crystal Palace á meðan West Ham tekur á móti Everton. Gylfi Þór Sigurðsson verður ekki með vegna meiðsla en liðið hefur farið þokkalega vel af stað undir Carlo Ancelotti og er búið að vinna sig uppúr fallbaráttunni.

David Moyes tók nýverið við West Ham og mætir hann sínum fyrrum vinnuveitendum til margra ára í dag.

Norwich á svo leik við Bournemouth, Southampton spilar við Wolves og Brighton fær Aston Villa í heimsókn í fallbaráttunni áður en síðasti leikur dagsins er flautaður á.

Þar á Newcastle heimaleik gegn Chelsea í beinni útsendingu.

Leikir dagsins:
12:30 Watford - Tottenham (Síminn Sport)
15:00 Arsenal - Sheffield Utd (Sjónvarp Símans)
15:00 Man City - Crystal Palace
15:00 West Ham - Everton
15:00 Norwich - Bournemouth
15:00 Southampton - Wolves
15:00 Brighton - Aston Villa
17:30 Newcastle - Chelsea (Síminn Sport)

Mynd: Getty Images

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7