Emiliano Martínez markvörður Aston Villa fékk að líta tvö gul spjöld þegar Villa vann Lille í vítaspyrnukeppni í átta liða úrslitum Sambandsdeildarinnar í kvöld en var ekki rekinn af velli.
Hann fékk fyrra gula spjaldið í fyrri hálfleik í venjulegum leiktíma fyrir tafir og það síðara í vítaspyrnukeppninni fyrir að ögra áhorfendum.
Í reglubókum UEFA kemur skýrt fram að leikmaður sem fær gult spjald í miðjum leik fer inn í vítaspyrnukeppnina laus allra mála.
„Viðvaranir (gul spjöld) sem eru gefin í leiknum (framlenging meðtalin) eru ekki tekin gild í vítaspyrnukeppni," segir í reglum UEFA.
Martínez fékk fyrra spjaldið fyrir töf og það síðara fyrir að ögra stuðningsmönnum Lille sem höfðu ögrað honum allan leikinn.
Athugasemdir
