Samúel Kári.
Haraldur Freyr Guðmundsson og Hólmar Örn Rúnarsson eru stórar stærðir í fótboltanum í Keflavík.
„Það var ógeðslega gaman að spila þennan leik, örugglega geggjaður leikur á að horfa, sérstaklega fyrri hálfleikurinn," sagði Samúel Kári Friðjónsson, leikmaður Stjörnunnar, eftir sigur á Keflavík í 8-liða úrslitum Mjólkurbikarsins í kvöld.
Samúel var að mæta uppeldisfélaginu en hann lék með Keflavík áður en hann hélt út í atvinnumennsku árið 2013.
Samúel var að mæta uppeldisfélaginu en hann lék með Keflavík áður en hann hélt út í atvinnumennsku árið 2013.
Lestu um leikinn: Stjarnan 4 - 2 Keflavík
„Keflavík er minn klúbbur og var þar í yngri flokkum, náði tveimur (meistaraflokks)leikjum. Ég þekki alla strákana og sérstaklega báða þjálfarana. Ég spilaði með Halla Gumm og lít ennþá upp til þeirra beggja (Haralds Freys og Hólmars Arnar aðstoðarþjálfara). Þetta er alltaf smá súrrealískt."
„Ég fylgist alltaf með þeim, kom og æfði alltaf með þeim á surmin á meðan ég var að spila úti."
„Sindri (Kristinn) var með mér í öllum yngri landsliðum, erum mjög nánir. Fransi, ég var með honum í Keflavík. Við erum allir góðir félagar."
Samúel ræddi um leikinn sjálfan í viðtalinu sem má nálgast í heild sinni í spilaranum efst. Hann er hæstánægður með að vera kominn í undanúrslit Mjólkurbikarsins. „Frábær tilfinning. Þetta var skyldusigur og eina stefnan er að taka bikarinn."
Þú vonast væntanlega eftir því að Keflavík fari upp úr Lengjudeildinni og að þú mætir þeim aftur á næsta ári?
„Að sjálfsögðu vona ég það, Keflavík er bara mitt lið," sagði Samúel.
Athugasemdir
