Zinedine Zidane, stjóri Real Madrid, segir að leikmenn liðsins geti ekki afsakað ansi óvænt 1-0 tap gegn Cadiz í gær.
Real spilaði leikinn á æfingavelli sínum í Madríd en Cadiz kom öllum á óvart og skoraði eina mark leiksins eftir 16 mínútur.
„Ef við hefðum fengið á okkur tvö eða þrjú mörk í fyrri hálfleik þá hefðum við ekki sagt neitt. Það er engin afsökun fyrir þessu," sagði Zidane.
„Það er engin útskýring á þessu, við erum ekki ánægðir með útkomuna en svona gerist í fótboltanum. Við byrjuðum leikinn ekki vel."
„Þetta var erfiður leikur alveg frá byrjun, við vorum aðeins betri í seinni hálfleik. Við komumst í raun aldrei almennilega í leikinn og áttum í vandræðum með að skapa færi."
Athugasemdir