Brasilíska stórstjarnan Neymar verður ekki með Paris Saint-Germain gegn RB Leipzig í Meistaradeild Evrópu á morgun.
Neymar var í landsliðsverkefni með Brasilíu í síðustu viku og varð fyrir meiðslum þar.
Meiðslin virðast vera smávægileg og verður Neymar frá í nokkra daga.
Argentíski miðjumaðurinn Leandro Paredes verður ekki heldur með PSG í þessum leik.
Samfélagsmiðladeild Leipzig ákvað aðeins að slá á létta strengi í kjölfarið á þessum fréttum. „Svo núna þurfum við bara að takast á við Messi og Mbappe," var skrifað á Twitter-reikning félagsins eins og sjá má hér að neðan.
Það er ekki amalegt að vera með þrjár ofurstjörnur í sínu liði. Messi og Mbappe taka við keflinu á morgun.
So just *checks notes* Messi and Mbappe to deal with then... https://t.co/sOYKo61uNZ
— RB Leipzig English (@RBLeipzig_EN) October 18, 2021
Athugasemdir