ÍA hefur fengið miðjumanninn Ísak Snæ Þorvaldsson aftur á láni frá Norwich í Englandi.
Hinn 19 ára gamli Ísak var á láni hjá ÍA síðari hlutann á síðasta tímabili en hann spilaði þá sjö leiki í Pepsi Max-deildinni.
Hann fékk aftur félagaskipti til Englands á dögunum en nú er hann kominn aftur til ÍA á láni.
„Ég verð með ÍA þangað til í júní og reyni svo að fara á láni í Englandi," sagði ÍA við Fótbolta.net á dögunum.
Ísak, sem spilaði með yngri flokkum Aftureldingar, staldraði stutt við á láni hjá skoska liðinu St. Mirren á síðasta tímabili áður en hann fór svo til ÍA.
Ísak er samningsbundinn Norwich til 2022.
Athugasemdir