Unai Emery segir að það sé í höndunum á Mesut Özil að koma sér aftur í liðið hjá Arsenal.
Þjóðverjinn hefur aðeins leikið tvo leiki fyrir Arsenal síðan hann var tekinn af velli í hálfleik í 1-1 jafntefli gegn Brighton & Hove Albion um jólin.
Þjóðverjinn hefur aðeins leikið tvo leiki fyrir Arsenal síðan hann var tekinn af velli í hálfleik í 1-1 jafntefli gegn Brighton & Hove Albion um jólin.
Emery segir að Özil gæti spilað Evrópudeildarleikinn gegn BATE Borisov á morgun en BATE vann fyrri leikinn 1-0.
„Hann heldur á lyklunum. Hann hefur unnið mjög vel í þessari viku og staðið sig vel á æfingum," sagði Emery á fréttamannafundi fyrir leikinn.
„Þegar ég tala við hann ræði ég við hann um stöðugleika, þegar þú sýnir stöðugleika á æfingum getur það hjálpað þér varðandi frammistöðu í leikjum."
Meiðsli og veikindi hafa gert það að verkum að Özil hefur ekki náð að tengja saman nægilega margar æfingar í röð.
Sjá einnig:
Wenger telur að Özil sé fastur í þægindaramma
Athugasemdir