„Þó Logi hafi ekki verið spes í fyrra þá er hann fínn í fótbolta. Maður er að bíða eftir gamla góða Loga, áður en hann fór út. Ég held að hann viti það best sjálfur. Hann var ragur að fara fram. Hann er með góða krossa en maður saknaði þeirra mikið," segir í þættinum.

„Það var heldur ekki mikið að koma úr hægri bakverðinum en þar var leikmaður sem er horfinn á braut, Viðar Ari (Jónsson). Hann var búinn að missa stöðu sína í lok tímabils. Ég væri til í að sjá tölfræði yfir hversu oft Viðar hitti samherja inn í teig, það var ekki oft."

Orri Freyr talaði um að á mestu velgengnisárum FH hafi mikið verið að koma frá bakvörðunum en það hafi vantað mikið í fyrra.

„Vonandi kemur þetta núna ef Logi stígur upp og Cédric D'Ulivo, sem ég er mjög spenntur fyrir, kemst líka í gang," segir í þættinum.

Hvað verður um Castillion?
Þeir telja að margir leikmenn eigi mikið inni frá síðasta tímabili og nefna þar til að mynda Kristin Steindórsson og Halldór Orra Björnsson.

Þá ber fyrsti þátturinn titilinn 'Hvað verður um Castillion?' en þeir telja að Geoffrey Castillion, sem afar lítið hefur náð að sýna hjá FH, muni eiga í vandræðum með að fá spiltíma í sumar og telja mögulegt að hann gæti yfirgefið félagið fyrir tímabil.

Hægt er að hlusta á þáttinn í heild sinni hér að neðan: