Grindavík vann sinn annan sigur í röð í Pepsi Max-deildinni þegar liðið lagði Fylki 1-0 í Grindavík í kvöld. Eftir markalausan fyrri hálfleik skoraði Josip Zeba eftir hornspyrnu í þeim síðari og tryggði heimamönnum stigin þrjú.

Lestu um leikinn: Grindavík 1 -  0 Fylkir

„Þetta var vinnusigur, strákarnir skildu allt eftir á vellinum og uppskera eftir því og ég er bara gríðarlega stoltur af mínum drengjum," sagði Túfa, þjálfari Grindavíkur, um leik sinna manna í kvöld.

Eftir brösótt gengi í upphafi er Grindavík komið á sigurbraut og um það sagði Tufa:

„Eins og ég hef sagt við ykkur fjölmiðla frá byrjun þá er þetta allt á uppleið og leikurinn í dag sýndi að við erum klárlega á réttri leið.“

Josip Zeba og Mark McAusland voru að öðrum ólöstuðum bestu mann vallarins í dag. Hvernig mat Túfa þeirra frammistöðu?

„Ég er mjög ánægður með Mark og Zeba en ég er líka bara ánægður með varnarleik liðsins mér hefur fundist við vera spila vel og skipuleggja varnarleikinn og þetta byrjar hjá okkur á fremsta manni alveg aftur að markmanni.“

Allt viðtalið má sjá hér að ofan

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit