Nikola Kalinic, sóknarmaður AC Milan og króatíska landsliðsins, var sendur heim af heimsmeistaramótinu í Rússlandi í sumar.
Kalinic var á bekknum í fyrsta leik riðlakeppninnar þegar Króatía lagði Nígeríu að velli. Hann átti að koma inná undir lok leiksins en neitaði að spila vegna bakvandamáls.
Hann var sendur heim í kjölfarið því þjálfarinn vildi ekki hafa leikmann með í för sem væri ekki leikhæfur.
Króatíska knattspyrnusambandið reyndi að koma silfurmedalíu til Kalinic en sóknarmaðurinn neitaði.
„Takk fyrir verðlaunapeninginn en ég spilaði ekki í Rússlandi," sagði Kalinic.
Athugasemdir