Í þriggja ára bann fyrir að kalla Vinicius Junior apa
Vinicius Junior í leiknum gegn Barcleona um helgina
Mynd: Getty Images
Vinicius Junior í leiknum gegn Barcleona um helgina
Mynd: Getty Images
Vinicius Junior leikmaður Real Madrid hefur orðið fyrir skelfilegum fordómum á þessari leiktíð. Síðast gegn Barcelona í El Clasico um helgina.
Þar heyrðist í stuðningsmönnum Barcelona syngja mjög ljóta söngva um leikmanninn.
Carlo Ancelotti stjóri Real hefur áður tjáð sig um ofbeldið þar sem hann hvatti spænsk stjórnvöld að taka alvarlega á þessum málum.
Einn stuðningsmaður Mallorca hefur verið kærður fyrir rasisma í garð Vinicius Junior en það átti sér stað í leik liðanna í apríl. Vinicius mun bera vitni í því máli síðar.
Stuðningsmaðurinn náðist á myndband kalla Vinicius apa.
Mallorca hóf sína eigin rannsókn á málinu og mun setja manninn í þriggja ára bann frá velli félagsins.
