El Ghazi er á láni hjá Aston Villa frá Lille í Frakklandi. Mörg félög eru á eftir honum fyrir næsta tímabil og er eitt þeirra úr ensku úrvalsdeildinni. Van der Meyde ráðleggur El Ghazi að halda sig fjarri Everton.

„Þvílíkt skítafélag, ekki fara þangað," sagði Van der Meyde við El Ghazi í myndveri Voetbal Primeur í Hollandi. El Ghazi ræddi Voetbal Primeur í gegnum Facetime.

Van der Meyde spilaði með Everton frá 2005 til 2009. Hann stóðst ekki væntingar hjá félaginu.

Íslenski landsliðsmaðurinn Gylfi Þór Sigurðsson er í dag á mála hjá Everton.