Lestu um leikinn: FH 2 -  1 ÍA

Skagamenn virtust eiga fá svör við FH-ingum í dag en áttu þó flottan lokakafla sem skilaði einu marki en lengra komust þó Skagamenn ekki að sinni.
„Við héldum boltanum ágætlega og þeir voru þéttir tilbaka sérstaklega í fyrri hálfleik og voru að loka svæðum og við náðum ekki að komast í gegnum þá, ég hefði viljað komast meira aftur fyrir þá, við vildum keyra svolítið meira sérstaklega á bakverðina hjá þeim og það heppnaðist ekki alveg nógu vel hjá okkur, samt komumst við í nokkrar fínar stöður sem að vantaði bara lokasendinguna og herslumuninn, svo fáum við þessi tvö mörk í andlitið strax í byrjun seinni hálfleiks og það varð mjög erfitt eftir það." 

Aðspurður um hvað það væri sem Skagaliðið gæti tekið út úr þessum leik og hver stefna ÍA í sumar væri hafði Jóhannes Karl þetta að segja.
„Það var bara það að þegar við lendum 2-0 undir hérna úti á móti FH að þá höldum við áfram, höldum plani, höldum skipurlagi og höldum áfram að spila fótbolta og náðum að ógna vel að marki FH í restina og það er það sem ég er virkilega sáttur með, karakterinn í strákunum." 

„Stefnan er að fara áfram í bikarnum á miðvikudaginn, það er bara næsta verkefni og við ætlum okkur þar áfram." 

Jóhannes Karl á þá ekki von á frekari breytingum á leikmannahópnum fyrir sumarið.
„Nei við erum virkilega ánægðir með leikmannahópinn eins og hann er og höldum bara áfram að gera núverandi leikmenn ennþá betri og klára í slaginn og fókus bara á næsta verkefni."