KA 1 - 1 ÍA
0-1 Viktor Jónsson ('11 )
1-1 Almarr Ormarsson ('58 )
KA og ÍA skildu jöfn þegar liðin mættust á Greifavellinum á Akureyri í dag. Fyrsta stig KA í deildinni síðan 15. júní.
0-1 Viktor Jónsson ('11 )
1-1 Almarr Ormarsson ('58 )
KA og ÍA skildu jöfn þegar liðin mættust á Greifavellinum á Akureyri í dag. Fyrsta stig KA í deildinni síðan 15. júní.
Viktor Jónsson kom ÍA yfir á 11. mínútu leiksins þegar hann stangaði boltann í netið eftir frábæra aukaspyrnu frá Stefáni Teiti.
Það var mikill hiti í leiknum og Erlendur Eiríksson, dómari leiksins, gaf sex gul spjöld í fyrri hálfleik.
Heimamenn vildu fá vítaspyrnu undir lok fyrri hálfleiksins þegar Hallgrímur Mar féll í teignum eftir tæklingu frá Óttari Bjarna. Erlendur dæmdi hinsvegar ekkert. 0-1 í hálfleik.
Viktor Jónsson var nálægt því að tvöfalda forystu ÍA í upphafi síðari hálfleiks þegar að hann skallaði boltann í átt að marki eftir hornspyrnu en á einhvern ótrúlegan hátt náði KA að bjarga á línu og Aron Dagur Birnuson handsamaði síðan boltann.
Almarr Ormarsson jafnaði leikinn á 58. mínútu leiksins eftir frábært einstaklingsframtak. Hann fór auðveldlega framhjá Stefáni Teiti sem að hrasaði í jörðina, keyrði inn á teiginn, setti boltann í fjærhornið og Árni Snær náði ekki að koma vörnum við.
Leikurinn róaðist nokkuð eftir að KA hafði jafnað. Bjarki Steinn Bjarkason fékk frábært færi á 81. mínútu eftir laglegan undirbúning Gonzalo Zamorano. Boltinn barst til Bjarka inni í vítateig KA en varnarmaður heimamanna kastaði sér fyrir skotið.
Fleiri mörk voru ekki skoruð í leiknum og 1-1 jafntefli því niðurstaða. ÍA situr í þriðja sæti með jafn mörg stig og Blikar en með lakari markatölu. KA kemst upp úr fallsætinu en Víkingur R. á leik til góða gegn Val í kvöld.
⚽️ Hörkuleik lokið á Greifavellinum þar sem KA og ÍA skipta með sér stigunum eftir 1-1 jafntefli. Almarr Ormarsson gerði mark KA og kærkomið stig í hús. Við þökkum fyrir frábæran stuðning í dag en rúmlega 1.000 manns mættu á völlinn! #LifiFyrirKA pic.twitter.com/lYVeLDqKkz
— KA (@KAakureyri) July 21, 2019
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir