Galatasaray heimsótti Lokomotiv til Moskvu í Evrópudeildinni í kvöld og úr varð hörkuslagur sem tyrknesku gestirnir unnu 0-1.
Byrjunarlið Galatasaray í leiknum vakti mikla athygli á veraldarvefnum vegna mistaka í kerfinu á RZD Arena.
Samkvæmt skjánum í Moskvu mætti Galatasaray til leiks með tíu leikmenn. Níu þeirra leika fyrir Bayern München og þá var David Alaba einnig í liðinu, með Fatih Terim sem þjálfara.
Skondin mistök sem er þó auðvelt að útskýra, þar sem Lokomotiv Moskva tók á móti FC Bayern í riðlakeppni Meistaradeildarinnar 27. október 2020. Þá mætti Bayern til leiks með sama byrjunarlið nema að það vantaði Robert Lewandowski og Terim var ekki við stjórnvölinn frekar en í dag eða nokkurn tímann.
Athugasemdir