Íslenski landsliðsmaðurinn Guðmundur Þórarinsson skoraði frábært aukaspyrnumark í 1-1 jafntefli New York City FC gegn Atlanta United í MLS-deildinni í nótt.
Argentínski miðjumaðurinn Marcelino Moreno kom Atlanta yfir á 17. mínútu leiksins.
Guðmundur byrjaði á bekknum hjá New York en kom inná sem varamaður á 61. mínútu.
Undir lok leiksins fékk New York aukaspyrnu á besta stað fyrir utan teig og var það Guðmundur sem var ákveðinn í að taka spyrnuna, sem og hann gerði og klíndi boltanum í samskeytin hægra megin.
1-1 jafntefli niðurstaðan og annað mark hans á tímabilinu en New York er í harðri baráttu um sæti í umspili. Liðið er í 9. sæti með 41 stig þegar fjórir leikir eru eftir og aðeins stigi frá umspilssæti.
Arnór Ingvi Traustason kom þá inná sem varamaður á 81. mínútu er New England Revolution vann DC United, 3-2. New England er öruggt með sæti í umspili en liðið er í 3. sæti austurdeildarinnar með 69 stig.
CLUTCH 🥶🏹🎯 pic.twitter.com/Tqu2Pvi61l
— New York City FC (@NYCFC) October 21, 2021
Athugasemdir