Daníel Tristan Guðjohnsen, yngsti sonur Eiðs Smára Guðjohnsen, skoraði í fyrsta deildarleik tímabilsins hjá U15 liði Real Madrid.
Umboðsmaður Magnús Agnar Magnússon segir frá þessu á Twitter og birtir myndband með.
„Daníel Tristan Guðjohnsen skoraði þegar U15 lið Real Madrid vann Leganes 5-3 í fyrsta deildarleik tímabilsins. Með rosalega hæfileika," skrifar Magnús.
Daníel Tristan er 14 ára og er á mála hjá Real Madrid, alveg eins og bróðir hans, Andri Lucas. Þeir voru einnig báðir áður fyrr í akademíu Barcelona. Andri Lucas er fæddur árið 2002 en Daniel Tristan er fæddur árið 2006.
Bræðurnir hafa lengið búið á Spáni en faðir þeirra, Eiður Smári, spilaði þar með Barcelona frá 2006 til 2009.
Synir Eiðs eru allir frambærilegir fótboltamenn. Elsti sonur hans, Sveinn Aron, leikur með OB í Danmörku og U21 landsliðinu sem er á leið á EM á næsta ári. Hann var nýlega valinn í A-landsliðið í fyrsta sinn en fékk ekki að spreyta sig í síðasta verkefni.
Hér að neðan má sjá markið sem Daníel Tristan skoraði.
Daniel Tristan Gudjohnsen (2006) scored when @realmadriden Cadete (U15) won Leganes 5-3 in the 1st game in the league of this season. Huge talent 🇮🇸⚽️⭐️👌🏻 pic.twitter.com/qtisYXeBU8
— Magnus Agnar Magnusson (@totalfl) November 21, 2020
Athugasemdir