Erling Braut Haaland er þegar byrjaður að slá met í ensku úrvalsdeildinni og í dag náði hann merkilegum áfanga er hann gerði fjórðu þrennuna í 3-0 sigrinum á Wolves.
Haaland var kaldur í nokkrum leikjum hjá Man City en hann er mættur aftur og betri en áður.
Norðmaðurinn skoraði öll þrjú mörk Man City í leiknum og er nú kominn með 25 mörk í deildinni.
Mohamed Salah og Heung-Min Son skoruðu báðir 23 mörk á síðustu leiktíð og er Haaland kominn fram úr þeim þegar átján leikir eru eftir af deildinni!
Það er útlit fyrir það að hann stórbæti markamet deildarinnar á fyrsta tímabili sínu með Englandsmeisturunum en um leið varð hann fljótasti leikmaðurinn til að skora fjórar þrennur í deildinni.
Það tók Haaland 19 leiki að skora fjórar þrennur en Ruud van Nistelrooy átti metið Manchester United. Það tók hann 65 leiki að afreka það. Magnaður hann Haaland.
4 - Erling Haaland has scored his fourth Premier League hat-trick in just his 19th appearance, breaking Ruud van Nistelrooy's record (fourth hat-trick in 65th app).
— OptaJoe (@OptaJoe) January 22, 2023
19 - Erling Haaland
65 - Ruud van Nistelrooy
81 - Luis Suárez
86 - Alan Shearer
89 - Robbie Fowler
Playground. pic.twitter.com/4rg2aHuP7a
Athugasemdir