Fótbolti.net

Sér ekki eftir fríinu í nóvember - Heimslistinn spilaði inn í

Arnar Gunnlaugs: Það lélegt að ég hef gríðarlegar áhyggjur

Jón Sveins: Vorum klaufar að skora ekki fleiri mörk

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

TM-Mót Stjörnunnar 2023

Gunnar óviss með framtíðina: Aldrei inn í myndinni að vera áfram í FH

Sjáðu mörkin í sigri Fram á Breiðabliki

mán 23. janúar 2023 14:16

@saebjornth

Sæbjörn Þór Þórbergsson Steinke

„Hef trú á því að ég geti orðið betri leikmaður undir þeirra stjórn"

Gyrðir er 23 ára gamall og skrifaði undir samning út tímabilið 2024.

Mynd: FH

Ég tel að við getum alveg gert góða og spennandi hluti í sumar. Hluti sem stuðningsmenn geta verið sáttir með

Mynd: FH

„Tilfinningin er mjög góð, ég er virkilega spenntur fyrir komandi tímabili, það er mikil uppbygging í gangi hjá FH. Margir ungir leikmenn og margir reynslumiklir leikmenn, góð blanda myndi ég segja," sagði Gyrðir Hrafn Guðbrandsson við Fótbolta.net.

Varnarmaðurinn var kynntur sem nýr leikmaður FH fyrr í þessum mánuði. Hann kom frá Leikni þar sem hann hefur spilað undanfarin fjögur tímabil. Hann er uppalinn hjá KR en lék sína fyrstu meistaraflokksleiki með Leikni.

„Nei, þetta var ekkert sérstaklega erfið ákvörðun, það voru nokkur lið sem höfðu samband, en ég var alltaf mjög spenntur fyrir FH. Ég prófaði nokkrar æfingar, eftir það höfðu þeir mikinn áhuga og vildu semja við mig. Ég ákvað að skella mér á þetta skemmtilega verkefni."

Hvað er það annað en uppbyggingin sem heillar við FH?

„Aðstaðan er náttúrulega frábær, með frábæran styrktar- og hlaupaþjálfara sem hjálpar okkur gríðarlega mikið. Svo heilluðu Heimir og Venni mig mjög mikið. Ég var ánægður með það spjall sem ég átti við þá og ég hef mikla trú á þeim sem þjálfurum. Þeir hafa báðir náð langt sem þjálfarar, kunna þetta alveg. Ég hef trú á því að ég geti orðið betri leikmaður undir þeirra stjórn."

Gyrðir vonast til að verða betri leikmaður hjá FH og vonast einnig til að geta hjálpað liðinu sem mest. „Bæði innan sem utan vallar. Ég hef einnig þær væntingar að FH geti komist á þann stað sem félagið á heima. Félagið var frekar slappt í fyrra en það er alveg hungur í mönnum að gera betur. Ég finn það á hópnum, þjálfurunum og öllum í kringum þetta, það ætla allir að gera betur en í fyrra."

Gyrðir er þriðji leikmaðurinn sem FH færi til sín frá Leikni á síðustu árum. Fyrir voru þeir Máni Austmann Hilmarsson og Vuk Oskar Dimitrijevic.

„Þetta er virkilega gaman, ég þekki Mána og Vuk mjög vel. Þeir eru báðir frábærir leikmenn og frábært hjá Leikni að skila af sér leikmönnum, Leiknir er að taka unga leikmenn og gera þá betri."

Hann segir FH-inga hafa æft rosalega vel að undanförnu. „Ég held að við getum stefnt hátt, ég tel að við getum alveg gert góða og spennandi hluti í sumar, hluti sem stuðningsmenn geta verið sáttir með," sagði Gyrðir að lokum.

FH-ingar hafa byrjað undirbúningstímabilið vel og eru á leið í úrslitaleik Þungavigtarbikarsins þar sem þeir mæta Breiðabliki.

Viðtalið í heild sinni má sjá í spilaranum að ofan. Hann ræðir þar einnig um tíma sinn hjá Leikni.

Athugasemdir

Nýjustu fréttirnar