Mikel Arteta var mjög ánægður eftir 3-2 sigur Arsenal gegn Everton í dag. Þetta var þriðji sigur Arsenal á sjö dögum eftir að hafa lagt Newcastle og Olympiakos að velli síðustu vikuna.
„Ég er stoltur af strákunum, þetta er þriðji sigurinn á sjö dögum og leikmennirnir eru dauðþreyttir. Sead Kolasinac fór útaf vegna meiðsla á öxl og það var erfitt að eiga bara tvær skiptingar því leikmenn voru að fá krampa um allan völl," sagði Arteta og hrósaði svo Leno og Aubameyang.
,Aubameyang skilaði inn virkilega góðri varnarvinnu í dag. Ég hafði efasemdir um baráttuvilja hans og metnað áður en ég tók við en hann er heldur betur búinn að sanna sig síðan þá. Hann er okkar mikilvægasti leikmaður og einhvern veginn þurfum við að sannfæra hann um að vera áfram hjá félaginu."
Hinn bráðefnilegi Bukayo Saka kom inn fyrir Kolasinac í fyrri hálfleik og lagði upp fyrir Eddie Nketiah skömmu síðar. Arteta er ánægður með hans framlag sóknarlega en segir ungstirnið enn geta bætt margt við sinn leik. Saka er aðeins 18 ára gamall og kantmaður að upplagi, en hefur verið að spila sem vinstri bakvörður.
„Ég var mjög ánægður með stoðsendiguna en Saka þarf að bæta sig á öðrum sviðum. Hann þarf helst að læra að staðsetja sig rétt á vellinum."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 30 | 20 | 7 | 3 | 59 | 22 | +37 | 67 |
| 2 | Man City | 29 | 18 | 6 | 5 | 59 | 27 | +32 | 60 |
| 3 | Man Utd | 29 | 14 | 9 | 6 | 51 | 40 | +11 | 51 |
| 4 | Aston Villa | 29 | 15 | 6 | 8 | 39 | 34 | +5 | 51 |
| 5 | Chelsea | 29 | 13 | 9 | 7 | 53 | 34 | +19 | 48 |
| 6 | Liverpool | 29 | 14 | 6 | 9 | 48 | 39 | +9 | 48 |
| 7 | Brentford | 29 | 13 | 5 | 11 | 44 | 40 | +4 | 44 |
| 8 | Everton | 29 | 12 | 7 | 10 | 34 | 33 | +1 | 43 |
| 9 | Bournemouth | 29 | 9 | 13 | 7 | 44 | 46 | -2 | 40 |
| 10 | Fulham | 29 | 12 | 4 | 13 | 40 | 43 | -3 | 40 |
| 11 | Sunderland | 29 | 10 | 10 | 9 | 30 | 34 | -4 | 40 |
| 12 | Newcastle | 29 | 11 | 6 | 12 | 42 | 43 | -1 | 39 |
| 13 | Crystal Palace | 29 | 10 | 8 | 11 | 33 | 35 | -2 | 38 |
| 14 | Brighton | 29 | 9 | 10 | 10 | 38 | 36 | +2 | 37 |
| 15 | Leeds | 29 | 7 | 10 | 12 | 37 | 48 | -11 | 31 |
| 16 | Tottenham | 29 | 7 | 8 | 14 | 39 | 46 | -7 | 29 |
| 17 | Nott. Forest | 29 | 7 | 7 | 15 | 28 | 43 | -15 | 28 |
| 18 | West Ham | 29 | 7 | 7 | 15 | 35 | 54 | -19 | 28 |
| 19 | Burnley | 29 | 4 | 7 | 18 | 32 | 58 | -26 | 19 |
| 20 | Wolves | 30 | 3 | 7 | 20 | 22 | 52 | -30 | 16 |
Athugasemdir
