Óli Stefán og Steini markmannsþjálfari höfðu ástæðu til að fagna í kvöld
„Tilfinningin er rosa góð," sagði Óli Stefán, þjálfari Grindavíkur eftir sigur liðsins á Íslandsmeisturum Vals í kvöld.
Lestu um leikinn: Grindavík 2 - 1 Valur
Grindvíkingar unnu leikinn 2-1 og var það nýjasti leikmaður liðsins, Sito sem skoraði sigurmarkið. Óli er ánægður með hans innkomu í liðið.
„Ég er rosalega ánægður með hann. Hann er koma með það sem okkur kannski vantaði.".
Grindavík hafa byrjað sumarið feykilega vel. Sitja í 2. sæti deildarinnar með 10 stig, einu stigi á eftir toppliði Breiðabliks.
„Ég er fyrst og síðast ánægður með frammistöðu liðsins. Stigin skal ég telja í haust. Við erum að spila fimmta leikinn núna og við erum yfirleitt alltaf að setja góða frammistöðu í leikina. Það er ég ánægður með.".
Dagur Ingi Hammer, ungur leikmaður Grindvíkinga átti góða innkomu í dag og fiskaði aukaspyrnuna sem Sito skoraði úr.
„Hann var frábær. Hans vinnuframlag og þátttaka í þessar mínútur sem hann spilaði var alveg til fyrirmyndar.
Athugasemdir
