„Það var kannski smá sjálfti í byrjun. Gengið er búið að vera þú veist, versti árangur Stjörnunnar frá upphafi í efstu deild en samt með jafnmörg stig eins og fjögur eða fimm lið," sagði Haraldur Björnsson, markvörður Stjörnunnar, eftir 5-1 sigur gegn Fylki á heimavelli í Pepsi Max-deildinni í dag.
Lestu um leikinn: Stjarnan 5 - 1 Fylkir
„Eftir 2-1 markið fannst mér þetta aldrei vera í hættu. Mér leið mjög vel inn á vellinum. Það var þessi ára yfir okkur í dag."
Haraldur hefur fengið talsverða gagnrýni á þessu tímabili.
Talað er um að hann sé í slöku líkamlegu formi og hefur hann meðal annars verið gagnrýndur fyrir það í útvarpsþætti Fótbolta.net á X977 og í Pepsi Max-mörkunum á Stöð 2 Sport. Um gagnrýnendur sína hafði Haraldur þetta að segja:
„Þeir geta kíkt með mér í sturtu ef þeir vilja, það er bara í góðu lagi. Það er í góðu lagi, við erum að vinna eftir áætlun. Það er kannski lítið við því að segja."
„Mér líður ágætlega og það er kannski það sem skiptir máli, að líða vel inn á vellinum og vinna leiki."
Athugasemdir