Hjörtur er kominn aftur í FH.
„Það er frábært að vera kominn aftur heim og í liðið mitt," sagði Hjörtur Logi Valgarðsson, varnarmaður FH, eftir 3-1 sigur á Keflavík í Fótbolta.net mótinu í dag.
Hjörtur Logi er kominn aftur í FH eftir að hafa verið úti í atvinnumennsku frá árinu 2011.
„Það er svolítið mikið af nýjum mönnum og það er nýr þjálfari. Þetta er allt öðruvísi en þegar maður var hérna síðast. Það er spennandi að taka þátt í þessu."
Hjörtur Logi er kominn aftur í FH eftir að hafa verið úti í atvinnumennsku frá árinu 2011.
„Það er svolítið mikið af nýjum mönnum og það er nýr þjálfari. Þetta er allt öðruvísi en þegar maður var hérna síðast. Það er spennandi að taka þátt í þessu."
Þetta var fyrsti sigur FH á þessu undirbúningstímabili, fyrsti sigurinn frá því í september á síðasta ári!
„Við erum enn að reyna að finna taktinn og það sést. Við erum að vinna í þessum hlutum daglega þannig að það hljóta að fara að detta inn fleiri sigrar, og við verðum betur samspilaðir. Það var gott að ná inn sigri og við getum aðeins byggt á því."
Hjörtur er að upplagi vinstri bakvörður en hann hefur verið að spila sem hafsent á þessu undirbúningstímabili.
„Það er fínt, það er alveg nýtt fyrir mér. Mér finnst gaman að fá að prófa," sagði Hjörtur.
„Ég á mikið ólært enda hef ég verið vinstri bakvörður alla mína tíð En ég tel mig hafa kosti sem henta vel í miðvörðinn líka. Það er mjög fínt að spila miðvörðinn eins og er, það eru ekki eins mörg hlaup."
Viðtalið er í spilaranum hér að ofan.
Athugasemdir
